Today is Tuesday 2022 Sep 27
கடலூர்
வடலூரில் கோலாகலமாக துவங்கியது மார்க்சிஸ்ட் கட்சி மாநாடு!

மார்க்சிஸ்ட் கம்யூனிஸ்ட் கட்சியின் கடலூர் மாவட்ட 23-வது மாநாடு வடலூர் நகரில் கோலாகலமாக எழுச்சியுடன் துவங்கியது.

2 நாட்கள் நடைபெறும் இந்த மாநாடின் துவக்க நிகழ்ச்சியாக வடலூர் பேருந்து நிலையம் அருகே மக்கள் ஒற்றுமை ஜோதி பயணம் மற்றும் கொடி பயண நிகழ்ச்சி நடைபெற்றது. நிகழ்ச்சியில் மாவட்ட செயலாளர் டி.ஆறுமுகம் தலைமை தாங்கினார். மத்தியகுழு உறுப்பினர் உ.வாசுகி சிறப்புரையாற்றினார். மக்கள் ஒற்றுமை ஜோதியினை உ.வாசுகி எடுத்துக்கொடுக்க மாவட்ட குழு உறுப்பினர் டி.கிருஷ்ணன் பெற்றுக்கொண்டார்.

இதனையடுத்து கொடி பயணம், ஜோதி பயணம் செந்தொண்டர்களின் அணிவகுப்புடன் வடலூர் கும்பகோணம் சாலையில் உள்ள மங்கையர்க்கரசி மண்டபத்தை அடைந்தது. ஊர்வலமாக எடுத்து வரப்பட்ட மக்கள் ஒற்றுமை ஜோதியினை அரசியல் தலைமைக்குழு உறுப்பினர் ஜி .ராமகிருஷ்ணன் பெற்றுக்கொண்டார். கொடியினை மாநில செயற்குழு உறுப்பினர் என்.குணசேகரன் பெற்றுக் கொண்டார். மாநாட்டு கொடியினை மூத்த தோழர் வி.முத்துவேல் ஏற்றிவைத்தார்.

மாநாட்டின் முகப்பில் அமைக்கப்பட்டிருந்த நினைவு தூபிக்கு தலைவர்கள் அஞ்சலி செலுத்தினர். பின்னர் மாநாட்டு அரங்கில் நடைபெற்ற நிகழ்ச்சியில் அஞ்சலி தீர்மானத்தை மாவட்ட செயற்குழு உறுப்பினர் எஸ்.ஜி.ரமேஷ்பாபு முன்மொழிந்தார். மாநாட்டின் வரவேற்புக் குழு தலைவர் ஏ.நமச்சிவாயம் வரவேற்புரையாற்றினார். மாநாட்டை துவக்கி வைத்து அரசியல் தலைமைக்குழு உறுப்பினர் ஜி.ராமகிருஷ்ணன் சிறப்புரையாற்றினார். மாவட்ட செயலாளர் டி.ஆறுமுகம் அரசியல் ஸ்தாபன அறிக்கைகளையும் மாநில குழு உறுப்பினர் மூசா நிதிநிலை அறிக்கையை சமர்ப்பித்து பேசினார்கள்.

மாநாட்டு அரங்கில் இந்து மதமும் இந்துத்துவாவும் ஒன்றல்ல என்கின்ற புத்தகத்தை மாநில குழு உறுப்பினர் மூசா வெளியிட மாணவர் சங்கத்தின் சௌமியா பெற்றுக்கொண்டார். தத்துவம் என்றால் என்ன என்ற புத்தகத்தினை செயற்குழு உறுப்பினர் எம்.மருதவாணன் வெளியிட வாலிபர் சங்கத்தில் செந்தமிழ்ச்செல்வன் பெற்றுக்கொண்டார். பொது மாநாட்டில் கடலூர் மாவட்டத்தில் இயற்கை சீற்றங்களால் ஏற்படும் பாதிப்புகள் குறித்த தீர்மானத்தை மாநில குழு உறுப்பினர் ஜி.மாதவன் முன்மொழிந்து பேசினார். மாநாட்டு அரங்கில் அமைக்கப்பட்டுள்ள வரலாற்றுக் கண்காட்சியை மாவட்ட செயலாளர் டி.ஆறுமுகம் திறந்துவைத்தார். மாநாட்டில் மாவட்டம் முழுவதும் இருந்துத்து 350க்கும் மேற்பட்ட பிரதிநிதிகள் கலந்துகொண்டனர்.

பதிவு: December 30, 2021
மார்க்சிஸ்ட், கடலூர், Marxist, Cuddalore
`டெல்டா மாவட்டங்களில் 4 நாட்களுக்கு கனமழைக்கு வாய்ப்பு!'- வானிலை ஆய்வு மையம்

தென்மேற்கு பருவக்காற்று மற்றும் வெப்ப சலனம் காரணமாக இன்று டெல்டா மாவட்டங்களில் இடி மின்னலுடன் கூடிய கனமழை பெய்ய வாய்ப்பு உள்ளதாக வானிலை ஆய்வு மையம் தெரிவித்துள்ளது.

இது தொடர்பாக சென்னை வானிலை ஆய்வு மையம் வெளியிட்டுள்ள அறிக்கையில், 'வளிமண்டல மேலடுக்கு சுழற்சி மற்றும் வெப்பச்சலனம் காரணமாக நாளை டெல்டா மாவட்டங்கள் , புதுக்கோட்டை மாவட்டங்களில் ஒரு சில இடங்களில் இடி மின்னலுடன் கூடிய கனமழை பெய்யக்கூடும். வருகின்ற 19ம் தேதி டெல்டா மாவட்டங்கள் அரியலூர், பெரம்பலூர், கடலூர், சேலம், கள்ளக்குறிச்சி, திருவண்ணாமலை, புதுக்கோட்டை மாவட்டங்களில் ஒரு சில இடங்களில் இடி மின்னலுடன் கூடிய மிக கனமழை பெய்யக்கூடும். வரும் 20ம் தேதி தென் மாவட்டங்கள், டெல்டா மாவட்டங்கள் மற்றும் காரைக்கால் பகுதிகளில் ஒரு சில இடங்களில் இடி மின்னலுடன் கூடிய மழை பெய்யக்கூடும்.

அதேபோல் கடலோர மாவட்டங்கள் மற்றும் புதுச்சேரி, காரைக்கால் பகுதிகளில் ஒரு சில இடங்களில் இடியுடன் கூடிய லேசானது முதல் மிதமான மழை பெய்யக்கூடும். சென்னையை பொருத்தவரை அடுத்த 24 மணி நேரத்திற்கு ஓரளவு மேகமூட்டத்துடன் காணப்படும். நகரின் ஒரு சில பகுதிகளில் இடி மின்னலுடன் கூடிய லேசானது முதல் மிதமான மழை பெய்யக்கூடும். அதிகபட்ச வெப்பநிலை 36 மற்றும் குறைந்தபட்ச வெப்பநிலை 26 டிகிரி செல்சியஸ் ஒட்டியிருக்கும்' என்று கூறப்பட்டுள்ளது.

பதிவு: September 17, 2021
டெல்டா மாவட்டம், கனமழை, சென்னை வானிலை ஆய்வு மையம், Delta District, Heavy Rain, Chennai Meteorological Center
`7 மாவட்டங்களில் கனமழைக்கு வாய்ப்பு!'- சென்னை வானிலை ஆய்வு மையம்

தமிழகத்தில் 7 மாவட்டங்களில் கனமழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

சென்னை மண்டல வானிலை ஆய்வு மையம் இன்று வெளியிட்ட செய்திக்குறிப்பில், "தமிழ்நாடு கடற்கரையை ஒட்டி நிலவும் வளிமண்டல மேலடுக்கு சுழற்சி காரணமாக கடலூர், மயிலாடுதுறை, பெரம்பலூர், அரியலூர், சேலம், திண்டுக்கல், மதுரை மாவட்டங்களில் ஓரிரு இடங்களில் இடி மின்னலுடன் கூடிய கனமழையும், புதுவையில் இடி மின்னலுடன் கூடிய மிதமான மழையும், ஏனைய மாவட்டங்கள் மற்றும் காரைக்கால் பகுதிகளில் ஒரு சில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும்.

சென்னையை பொறுத்தவரை அடுத்த 48 மணி நேரத்திற்கு வானம் பொதுவாக மேகமூட்டத்துடன் காணப்படும். நகரின் ஒரு சில பகுதிகளில் இடியுடன் கூடிய லேசானது முதல் மிதமான மழை பெய்யக்கூடும். அதிகபட்ச வெப்பநிலை 33 மற்றும் குறைந்தபட்ச வெப்பநிலை 26 டிகிரி செல்சியஸை ஒட்டி இருக்கும்'' என்று கூறப்பட்டுள்ளது.

பதிவு: August 23, 2021
கடலூர், மயிலாடுதுறை, பெரம்பலூர், அரியலூர், சேலம், திண்டுக்கல், மதுரை, மழை, Cuddalore, Mayiladuthurai, Perambalur, Ariyalur, Salem, Dindigul, Madurai, rain
கள்ளக்காதலனுடன் உல்லாசம்... கண்டித்த கணவனை கழுத்தை இறுக்கி கொன்ற மனைவி

உல்லாசமாக இருந்ததை கணவர் பார்த்ததால் தனது கள்ளக்காதலனுடன் சேர்ந்து கணவரை கொலை செய்துள்ளார் மனைவி. இந்த அதிர்ச்சி சம்பவம் குறிஞ்சிப்பாடி அருகே நடந்துள்ளது.

கடலூர் மாவட்டம், குறிஞ்சிப்பாடி அடுத்த மீனாட்சிபேட்டை ஜேஜே நகரை சேர்ந்தவர் மணிவேல் என்பவரின் மகன் முருகன் (38). கட்டிட தொழிலாளியான இவர், தனது அக்கா மகள் வனஜாவை கடந்த 8 ஆண்டுகளுக்கு முன்பு திருமணம் செய்து கொண்டார். இவர்களுக்கு 7 வயதில் ஒரு மகனும், 6 வயதில் ஒரு மகளும் உள்ளனர். இந்நிலையில் கடந்த 6ம் தேதி முருகன் மர்மமான முறையில் வீட்டின் அருகே இறந்து கிடந்தார். அவர் குடிபோதையில் விஷம் குடித்து தற்கொலை செய்து கொண்டதாக கூறி அவரது உடலை மனைவி வனஜா மற்றும் உறவினர்கள் அடக்கம் செய்ய முயன்றனர். நன்றாக இருந்த ஒருவர் திடீரென இறந்ததால் சந்தேகமடைந்த அப்பகுதியை சேர்ந்த மக்கள் குறிஞ்சிப்பாடி போலீசாருக்கு தகவல் அளித்தனர்.

இதையடுத்து போலீசார் வந்து முருகன் உடலை கைப்பற்றி பிரேத பரிசோதனைக்கு அனுப்பி வைத்தனர். மேலும், வழக்குப்பதிவு செய்து வனஜாவிடம் போலீசார் நடத்திய தீவிர விசாரணையில், கள்ளக்காதலுக்கு இடையூறாக இருந்ததால், கள்ளக்காதலனுடன் சேர்ந்து கணவனை கொன்ற அதிர்ச்சி தகவல் வெளியானது.

இதுகுறித்து போலீசார் கூறுகையில், அதே பகுதியை சேர்ந்த கிருஷ்ணகுமாரும் முருகனும் நண்பர்கள். ஒன்றாக சேர்ந்து கட்டிட வேலைக்கு செல்வதால், முருகன் வீட்டிற்கு கிருஷ்ணகுமார் அடிக்கடி வந்து சென்றுள்ளார். அப்போது, முருகன் மனைவி வனஜாவுடன் கிருஷ்ணகுமாருக்கு கள்ளத்தொடர்பு ஏற்பட்டுள்ளது. இதையறிந்த முருகன் கண்டித்துள்ளார். சம்பவத்தன்று மாலை அங்குள்ள மரவள்ளி தோப்பில் வனஜாவும், கிருஷ்ணகுமாரும் உல்லாசமாக இருந்ததைப் பார்த்த முருகன் இருவரையும் திட்டியுள்ளார். இதையடுத்து இருவரும் சேர்ந்து முருகனின் கழுத்தை இறுக்கி கொலை செய்துள்ளனர். மறுநாள் காலை வனஜா, முருகன் குடிபோதையில் விஷம் குடித்து தற்கொலை செய்து கொண்டதாக நாடகமாடியதாக தெரிவித்தனர். இதையடுத்து வனஜா (22), கிருஷ்ணகுமார் ஆகிய இருவரையும் கைது செய்து சிறையில் அடைத்தனர்.

பதிவு: July 16, 2021
கணவன், மனைவி, கள்ளக்காதல், கொலை, குறிஞ்சிப்பாடி, Husband, Wife, False Love, Murder, Kuruchipadi
5 மத்திய சிறை கண்காணிப்பாளர்கள் அதிரடி பணியிட மாற்றம்!

சென்னை புழல், மதுரை, சேலம், கடலூரில் உள்ள மத்திய சிறை கண்காணிப்பாளர்கள் பணியிட மாற்றம் செய்து தமிழக அரசு உத்தரவிட்டுள்ளது.

சென்னை புழல் சிறை கண்காணிப்பாளராக இருந்த செந்தில்குமார், சேலம் மத்திய சிறை கண்காணிப்பாளராக மாற்றப்பட்டுள்ளார்.

சேலம் சிறை கண்காணிப்பாளர் தமிழ்ச்செல்வன் மதுரை மத்திய சிறை கண்காணிப்பாளராக நியமிக்கப்பட்டுள்ளார்.

கடலூர் சிறை கண்காணிப்பாளராக இருக்கும் நிகிலா நாகேந்திரன் சென்னை புழல் சிறை கண்காணிப்பாளராக மாற்றப்பட்டுள்ளார்.

காத்திருப்போர் பட்டியலில் இருந்த கிருஷ்ணகுமார் கடலூர் சிறை கண்காணிப்பாளராகவும், மதுரை சிறை கண்காணிப்பாளராக இருந்த ஊர்மிளா திருச்சி சிறை கண்காணிப்பாளராகவும் நியமிக்கப்பட்டுள்ளனர்.

பதிவு: June 25, 2021
சிறை கண்காணிப்பாளர்கள். புழல், மதுரை, சேலம், கடலூர், தமிழக அரசு, Prison Superintendents. Puhal, Madurai, Salem, Cuddalore, Government of Tamil Nadu
தற்போதைய செய்திகள்
இந்திய செய்திகள்