Today is Thursday 2022 Jan 27
BREAKING NEWS:
திருவண்ணாமலை
திருவண்ணாமலை கார்த்திகை தீபத்திருவிழா!-பக்தர்களுக்கு சேவையாற்ற அழைப்பு

திருவண்ணாமலை கார்த்திகை தீபத்திருவிழாவில் பக்தர்களுக்கு சேவைப்பணியாற்ற சேவார்த்திகளுக்கு அழைப்பு விடுக்கப்பட்டுள்ளது.

திருவண்ணாமலை மாவட்டம், அருள்மிகு அண்ணாமலையார் உடனமர் உண்ணாமுலையம்மன் திருக்கோவிலில் ஆண்டுதோறும் திருக்கார்த்திகை தீபத்திருவிழா மிகவும் சிறப்பாக நடைபெறுவது வழக்கம். இதில் பல்வேறு மாநிலங்கள், மாவட்டங்களைச் சேர்ந்த பக்தர்கள் பல லட்சம் பேர் கலந்துகொண்டு தரிசித்து வருகின்றனர்.

திருவண்ணாமலை திருக்கார்த்திகை தீபவிழா அன்னம் பாலிப்புத் திருப்பணிக்குழு சார்பில் தீபத்திருவிழாவில் கலந்துகொள்ளும் அடியார்களுக்கு கடந்த 38 ஆண்டுகளாக திருக்கோவிலை சுற்றியுள்ள 16 திருமண மண்டபங்களில், சுமார் லட்சக்கணக்கான பக்தர்களுக்கு அன்னம்பாலிப்பும், சுக்கு காபியும், நீர்மோரும் வழங்கி வருகிறார்கள்.

இந்த நிகழ்வில் பணியாற்ற பல்வேறு மாவட்டங்களிலிருந்து தன்னார்வலர்கள் மேற்கண்ட மண்டபங்களில் தங்கியிருந்து சேவை செய்து வருகின்றனர். மேலும் நிகழ்ச்சியில் பக்தர்களுக்கு தொண்டை மண்டல ஆதீனம் ஸ்ரீலஸ்ரீகுருமகா சந்நிதானம் மற்றும் செங்கோல் ஆதீனம் ஸ்ரீலஸ்ரீகுருமகா சந்நிதானம் அருளாசி வழங்குவார்கள்.

இந்தாண்டு எதிர்வரும் (கார்த்திகை மாதம் 3ம் தேதி) 19.11.2021 வெள்ளிக்கிழமையன்று தீபத்திருவிழாவும், திருப்பணிக்குழு சார்பில் 39-ம் ஆண்டாக அன்னம்பாலிப்பு நிகழ்ச்சியும் நடைபெறவுள்ளது. அதற்கான முன் ஏற்பாடுகளும் நடந்து வருகிறது.

கடந்த ஆண்டுகளைப் போலவே இந்தாண்டும் தீபத்திருவிழாவிற்கு தேவைப்படும் மளிகைப்பொருட்களை நன்கொடையாகக் கொடுக்க விரும்பும் அன்பர்களும், அங்கு வருகைதரும் பக்தர்களுக்கு சேவைப்பணியாற்ற விருப்பமுள்ள சேவார்த்திகள், தன்னார்வலர்களும் திருவண்ணாமலை திருக்கார்த்திகை தீபவிழா அன்னம் பாலிப்புத் திருப்பணிக்குழு தலைமை நிர்வாகி சண்முகசுந்தரத்தை 98430 66767 என்ற எண்ணில் தொடர்புகொண்டு விழாவில் பங்குபெறலாம்.

பதிவு: October 27, 2021
திருவண்ணாமலை, கார்த்திகை தீபம், பக்தர்கள், Thiruvannamalai, karthigai deepam, devotees
`தமிழகத்தில் 5 நாட்களுக்கு மழைக்கு வாய்ப்பு!'- சென்னை வானிலை ஆய்வு மையம்

தமிழகத்தில் 5 நாட்களுக்கு மழைக்கு வாய்ப்பு உள்ளதாக வானிலை ஆய்வு மையம் தகவல் தெரிவித்துள்ளது,

இது குறித்து வானிலை ஆய்வு மையம் வெளியிட்டுள்ள செய்திகுறிப்பில், "வளிமண்டல மேலடுக்கு சுழற்சி மற்றும் வெப்ப சலனம் காரணமாக இன்று நீலகிரி, கோவை, சேலம், நாமக்கல், கள்ளக்குறிச்சி, திருவண்ணாமலை, திருவள்ளூர் மாவட்டங்களில் ஓரிரு இடங்களில் கனமழை பெய்யக்கூடும்.

நாளை (10ம் தேதி) நீலகிரி, கோவை, தேனி, அரியலூர், பெரம்பலூர், கடலூர், விழுப்புரம், நாகப்பட்டினம், மயிலாடு துறை மாவட்டங்களில் ஓரிரு இடங்களில் இடி மின்னலுடன் கனமழை பெய்யும்.

11ம் தேதி நீலகிரி, கோவை, தேனி, சேலம், நாமக்கல், கள்ளக்குறிச்சி, திருவண்ணாமலை, கடலூர், நாகப்பட்டினம், மயிலாடுதுறை, தஞ்சாவூர், திருவாரூர் மற்றும் புதுவை பகுதிகளில் கனமழை பெய்யக்கூடும்.

12, 13ம் தேதிகளில் நீலகிரி, கோவை, தேனி, கிருஷ்ணகிரி, தர்மபுரி, திருப்பத்தூர், சேலம், கடலூர், விழுப்புரம் மற்றும் டெல்டா மாவட்டங்களில் கனமழை பெய்யும்.

சென்னையை பொறுத்தவரை வானம் மேகமூட்டத்துடன் காணப்படும். நகரின் ஒரு சில பகுதிகளில் லேசானது முதல் மிதமான மழைக்கு வாய்ப்புள்ளது" என்று தெரிவித்துள்ளது.

பதிவு: August 09, 2021
தமிழ்நாடு, சென்னை வானிலை ஆய்வு மையம், மழை, Tamil Nadu, Chennai Meteorological Center, Rain
அதிகம் வாசிக்கப்பட்டவை
ஆசிரியரின் தேர்வுகள்...
You May Like