Today is Wednesday 2022 Jun 29
வேலூர்
வேலூரில் நிலநடுக்கம்!- அதிகாலையில் வீட்டைவிட்டு தெறித்து ஓடிய மக்கள்

தமிழ்நாட்டில் வேலூர் அருகே இன்று அதிகாலை லேசான நிலநடுக்கம் ஏற்பட்டது. வேலூரில் இருந்து 59 கிலோ மீட்டர் மேற்கு - தென்மேற்கு பகுதியை மையமாக கொண்டு இந்த நிலநடுக்கம் ஏற்பட்டதாக தேசிய புவியியல் ஆய்வு மையம் தெரிவித்துள்ளது. பூமிக்கு அடியில் 25 கிலோ மீட்டர் ஆழத்தில் நிலஅதிர்வு ஏற்பட்டதாகவும் அறிக்கையில் குறிப்பிடப்பட்டுள்ளது.

ரிக்டர் அளவுகோலில் 3.6 ஆக பதிவாகி இருக்கும் இந்த நிலநடுக்கம் சில நொடிகள் நீடித்ததாக தகவல்கள் தெரிவிக்கின்றன. அதிகாலை 4:17 மணியளவில் வீடுகள், கட்டிடங்கள் அதிர்ந்தால் மக்கள் வீடுகளை விட்டு வெளியேறி திறந்தவெளிகளில் குவிந்தனர்.

ஆற்றல் குறைந்த நிலநடுக்கம் என்பதால் சேதங்கள் ஏதும் ஏற்படவில்லை என்று அப்பகுதி மக்கள் தெரிவித்துள்ளனர். நிலநடுக்கத்தால் ஏற்பட்ட அச்சம் காரணமாக சிறிது நேரம் சாலைகளில் நின்றிருந்த மக்கள் பின்னர் வீடுகளுக்கு திரும்பினர்.

லேசான நிலஅதிர்வு என்பதால் பெரும்பாலான மக்கள் அதனை உணரவில்லை என்றும் தெரிவித்துள்ளனர். அதிகாலை வேலூர் சுற்றுவட்டாரத்தில் லேசாக அதிரவைத்த நிலநடுக்கத்தால் சிறிது நேரம் பரபரப்பு நிலவியது.

பதிவு: November 29, 2021
வேலூர், நிலநடுக்கம், பொதுமக்கள், Vellore, Earthquake, Public
வேலூரில் நிலநடுக்கம்!- அதிகாலையில் வீட்டைவிட்டு தெறித்து ஓடிய மக்கள்

தமிழ்நாட்டில் வேலூர் அருகே இன்று அதிகாலை லேசான நிலநடுக்கம் ஏற்பட்டது. வேலூரில் இருந்து 59 கிலோ மீட்டர் மேற்கு - தென்மேற்கு பகுதியை மையமாக கொண்டு இந்த நிலநடுக்கம் ஏற்பட்டதாக தேசிய புவியியல் ஆய்வு மையம் தெரிவித்துள்ளது. பூமிக்கு அடியில் 25 கிலோ மீட்டர் ஆழத்தில் நிலஅதிர்வு ஏற்பட்டதாகவும் அறிக்கையில் குறிப்பிடப்பட்டுள்ளது.

ரிக்டர் அளவுகோலில் 3.6 ஆக பதிவாகி இருக்கும் இந்த நிலநடுக்கம் சில நொடிகள் நீடித்ததாக தகவல்கள் தெரிவிக்கின்றன. அதிகாலை 4:17 மணியளவில் வீடுகள், கட்டிடங்கள் அதிர்ந்தால் மக்கள் வீடுகளை விட்டு வெளியேறி திறந்தவெளிகளில் குவிந்தனர்.

ஆற்றல் குறைந்த நிலநடுக்கம் என்பதால் சேதங்கள் ஏதும் ஏற்படவில்லை என்று அப்பகுதி மக்கள் தெரிவித்துள்ளனர். நிலநடுக்கத்தால் ஏற்பட்ட அச்சம் காரணமாக சிறிது நேரம் சாலைகளில் நின்றிருந்த மக்கள் பின்னர் வீடுகளுக்கு திரும்பினர்.

லேசான நிலஅதிர்வு என்பதால் பெரும்பாலான மக்கள் அதனை உணரவில்லை என்றும் தெரிவித்துள்ளனர். அதிகாலை வேலூர் சுற்றுவட்டாரத்தில் லேசாக அதிரவைத்த நிலநடுக்கத்தால் சிறிது நேரம் பரபரப்பு நிலவியது.

பதிவு: November 29, 2021
வேலூர், நிலநடுக்கம், பொதுமக்கள், Vellore, Earthquake, Public
வீடு இடிந்து பறிபோன 9 உயிர்கள்!- தலா ரூ.5 லட்சம் நிதியுதவி அறிவித்தார் முதல்வர் ஸ்டாலின்

வேலூர் மாவட்டம், பேரணாம்பட்டில் வீடு இடிந்து இறந்த 9 பேரின் குடும்பத்திற்கு தலா ரூ. 5 லட்சம் நிதி உதவி வழங்கப்படும் என்று முதல்வர் மு.க.ஸ்டாலின் அறிவிப்பு வெளியிட்டுள்ளார்.

இது தொடர்பாக தமிழக அரசு வெளியிட்டுள்ள செய்தி குறிப்பில், 'கன மழையின் காரணமாக வேலூர் மாவட்டம், பேரணாம்பட்டு, மசூதி தெருவில் வீடு இடிந்து விழுந்ததில் இடிபாடுகளில் சிக்கி, நான்கு குழந்தைகளும், ஐந்து பெண்களும் உயிரிழந்த செய்தி கேட்டு மிகுந்த வருத்தம் அடைந்தேன்.

உயிரிழந்தவர்களின் குடும்பத்தினருக்கு எனது ஆழ்ந்த இரங்கலைத் தெரிவித்துக் கொள்கிறேன். மேலும் காயமடைந்து சிகிச்சை பெற்றுவருபவர்களுக்கு சிறப்பான சிகிச்சை அளிக்கவும் உத்தரவிட்டுள்ளேன். இவ்விபத்தில் உயிரிழந்தவர்களின் குடும்பத்திற்கு தலா 5 லட்சம் ரூபாயும், படுகாயமடைந்து சிகிச்சை பெற்று வருபவர்களுக்கு தலா ரூபாய் 50 ஆயிரமும் முதலமைச்சரின் பொது நிவாரண நிதியிலிருந்து வழங்கவும் உத்தரவிட்டுள்ளேன்" என்று கூறப்பட்டுள்ளது.

பதிவு: November 19, 2021
பேரணாம்பட்டு, வீடு, மழை, முதல்வர் ஸ்டாலின், Pernambut house, rain, Chief Minister Stalin
வேலூர் மாவட்டத்தில் 862 வாக்குசாவடிகளில் விறுவிறு வாக்குப்பதிவு!

வேலூர் மாவட்டத்தில் 862 வாக்குசாவடிகளில் ஊரக உள்ளாட்சித்தேர்தல் லேசான மழைதூரல் இருந்தாலும் மக்கள் ஆர்வமுடன் வந்து வரிசையில் நின்று வாக்களிக்கின்றனர்.

வேலூர் மாவட்டம், காட்பாடி, கேவிகுப்பம், குடியாத்தம், பேர்ணாம்பட்டு ஆகிய 4 ஒன்றிய பகுதிகளில் ஊரக உள்ளாட்சித்தேர்தல் இன்று 862 வாக்குசாவடி மையங்களில் காலை 7 மணி முதல் வாக்குபதிவானது விறுவிறுப்பாக நடந்துகொண்டு இருக்கிறது. இதில் காலையிலேயே பொதுமக்கள் வரிசையில் நின்று வாக்குகளை செலுத்தினார்கள். குறிப்பாக லத்தேரி அரசு பள்ளியில் திமுக அணைக்காடு சட்டமன்ற உறுப்பினர் நந்தகுமார் வாக்களித்தார். அவருடன் பொதுமக்களும் வரிசையில் நின்று வாக்களித்தனர் .

பதிவு: October 06, 2021
வேலூர், உள்ளாட்சித் தேர்தல், வாக்குப்பதிவு, Vellore, Local Elections, Voting
`10 ஆண்டுகளில் ரூ.76.65 கோடி சொத்து குவிப்பு!'- லஞ்ச ஒழிப்புத்துறையின் அடுத்த குறித்த கே.சி.வீரமணி

2011 - 2021 வரை வருமானத்துக்கு அதிகமாக ரூ.76.65 கோடி மதிப்புக்கு முன்னாள் அமைச்சர் கே.சி.வீரமணி சொத்து குவித்துள்ளதாக தமிழ்நாடு லஞ்ச ஒழிப்பு போலீசில் அறப்போர் இயக்கம் புகார் அளித்துள்ளது.

கடந்த அதிமுக ஆட்சியில் வணிக வரி மற்றும் பத்திரப்பதிவுத்துறை அமைச்சகரா இருந்தவர் கே.சி.வீரமணி. இவர் கடந்த 10 ஆண்டுகளாக வருமானத்துக்கு அதிகமாக சொத்து சேர்த்ததாக அறப்போர் இயக்கம் தமிழ்நாடு லஞ்ச ஒழிப்பு போலீசில் புகார் அளித்துள்ளது. அதில், " 2011-ல் கே.சி.வீரமணி மற்றும் அவரது குடும்பத்தினரின் சொத்து மதிப்பு ரூ.7.48 கோடி. 2011-2021 வரை கே.சி.வீரமணி மற்றும் அவரது குடும்பத்தினர் ரூ.91.20 கோடிக்கு சொத்துக்கள் வாங்கி உள்ளார். கே.சி.வீரமணி பெயரில் வாங்கப்பட்டு உள்ள அசையும் சொத்துகளின் மதிப்பு ரூ.4,06,27,147. கே.சி.வீரமணியின் உறவினர் கே.ஏ.பழனி பெயரில் ரூ.92,21,593 மதிப்புள்ள அசையும் சொத்து வாங்கப்பட்டுள்ளது.

ஹோம் டிசைனர் அண்ட் ஃபேப்ரிகேட்டர்ஸ் நிறுவனம் சார்பில் ரூ.15 கோடிக்கு அசையா சொத்து வாங்கப்பட்டுள்ளன. வி.பி.ஆர்.ஹில் ப்ராப்பர்ட்டீஸ் நிறுவனத்தின் பெயரில் ரூ.7 கோடி மதிப்புக்கு சொத்து வாங்கப்பட்டுள்ளது. ஹோட்டல் ஹில்ஸ் திருப்பத்தூர் நிறுவனம் பெயரில் ரூ.6 கோடிக்கு சொத்து வாங்கப்பட்டுள்ளது. அகல்யா, பத்மாசினி பெயரில் ரூ.3.2 கோடிக்கு அசையும் சொத்தும் ரூ.15.9 லட்சத்துக்கு அசையா சொத்தும் வாங்கப்பட்டுள்ளது. 2011 -ல் இருந்து 2021 வரை கே.சி.வீரமணி கடன் தொகையை கழித்த பிறகு சொத்து மதிப்பு ரூ.83.65 கோடியாக உள்ளது. 10 ஆண்டுகளில் கே.சி.வீரமணியின் வருமானம் மூலமான அதிகபட்ட சேமிப்பு ரூ.7 கோடியாகும்.

கடனுக்கு பிந்தைய சொத்து மதிப்பான ரூ.83.65 கோடியில் இருந்து சேமிப்பு கழித்தால் நிகர சொத்து மதிப்பு ரூ.76.65 கோடி ஆகும். பத்திரப்பதிவின் போது வழிகாட்டி மதிப்பைவிட சொத்து மதிப்பை குறைத்து காட்டி கே.சி.வீரமணி மோசடி செய்துள்ளார். அவரின் அசையும் சொத்துகளின் மதிப்பு 10 ஆண்டில் ரூ.43 கோடி அதிகரித்துள்ளது. அவரது குடும்பத்தார் பெயரிலும் பெங்களூரு, சென்னை, திருப்பத்தூரில் சொத்து வாங்கியுள்ளார்.

ஓசூா் சிப்காட்டில் 0.1 ஏக்கர் நிலம் ஒரு ரூபாய் குத்தகை கட்டணத்தில் அவரது நிறுவனத்துக்கு தரப்பட்டுள்ளது. சிப்காட் வழங்கிய நிலத்தில் ரூ.15 கோடியில் ஓசூர் ஹில்ஸ் ஹோட்டலை கே.சி.வீரமணி நிறுவனம் கட்டி உள்ளது. தாயார், சகோதரி பெயரில் சொத்து வாங்கி தன் பெயருக்கு கே.சி.வீரமணி தானப்பத்திரம் மூலம் மாற்றி கொண்டார். மாமனார் பெயரில் வாங்கிய 100 ஏக்கர், தானப்பத்திரம் மூலம் ஆர்,எஸ்.கல்வி அறக்கட்டளைக்கு மாற்றப்பட்டுள்ளது. இதனால் கே.சி.வீரமணி மீதான புகார் குறித்து லஞ்ச ஒழிப்பு போலீஸ் விசாரணை நடத்த வேண்டும்" என கூறப்பட்டுள்ளது.

பதிவு: August 17, 2021
அதிமுக, கே.சி.வீரமணி, லஞ்ச ஒழிப்புத்துறை, அறப்போர் இயக்கம், arappor iyakkam, Vigilance, ADMK, KCVeeramani
தற்போதைய செய்திகள்
இந்திய செய்திகள்